影片
更多
2021-07-14
36 浏览
为咗庆祝我同男朋友仔嘅周年，佢拣咗呢一间餐厅～齐齐食两个厨师发板！每一个厨师发板都包括左：先付、刺身、寿司、和食料理、汁物、果物。先付温泉蛋樱花虾 初生蛋、汁煮鲍鱼 三文鱼子高糖份蕃茄配食用金萡。特别想提初生蛋：一吉就爆晒蛋汁，捞埋咸咸地嘅樱花虾同甜甜嘅酱汁，几夹，食完相当回味。汁煮鲍鱼好入味，肉质爽口，系奢华享受嘅前菜。刺身左口鱼、深海池鱼 、𫚕鱼、日本珍珠蚝 、新鲜帆立贝、池鱼他他、鲣鱼。左口鱼刺身上洒上柚子皮，另配酸汁。师傅推荐可以甩啲紫疏花既花瓣，卷起食，的确唔错。深海池鱼 / 𫚕鱼呢两个刺身师傅俾左一个背一个腩位，背位主要加咗豉油同Wasabi，𫚕鱼既腩位经师傅烧一烧逼出左啲油份，入口油香好重！日本珍珠蚝 虽然唔系好大只但系都非常鲜甜、有厚度而且带有淡淡海水咸味，加上黑鱼子仲多份口感，另外好喜欢餐厅系蚝上加上酸汁啫喱！中间仲上咗一个舞蓉姑清汤，略有点咸但有好香嘅菇蓉味，用嚟清一清喉咙都唔错！和食料理平静鱼鱼鲛 、海胆蛋黄酱大虾、冲绳猪手 鱼鲛 煎得香口，够脆略带点粗骨；冲绳猪手超级入味，好浓好淋，满满嘅骨胶原！海胆蛋黄酱大虾，虾肉容易离壳，海胆烧完有焦㶶嘅香，两者好夹。寿司金
为咗庆祝我同男朋友仔嘅周年，佢拣咗呢一间餐厅～齐齐食两个厨师发板！每一个厨师发板都包括左：先付、刺身、寿司、和食料理、汁物、果物。
先付
温泉蛋樱花虾 初生蛋、汁煮鲍鱼 三文鱼子
高糖份蕃茄配食用金萡。特别想提初生蛋：一吉就爆晒蛋汁，捞埋咸咸地嘅樱花虾同甜甜嘅酱汁，几夹，食完相当回味。汁煮鲍鱼好入味，肉质爽口，系奢华享受嘅前菜。
刺身
左口鱼、深海池鱼 、𫚕鱼、日本珍珠蚝 、新鲜帆立贝、池鱼他他、鲣鱼。左口鱼刺身上洒上柚子皮，另配酸汁。师傅推荐可以甩啲紫疏花既花瓣，卷起食，的确唔错。深海池鱼 / 𫚕鱼呢两个刺身师傅俾左一个背一个腩位，背位主要加咗豉油同Wasabi，𫚕鱼既腩位经师傅烧一烧逼出左啲油份，入口油香好重！日本珍珠蚝 虽然唔系好大只但系都非常鲜甜、有厚度而且带有淡淡海水咸味，加上黑鱼子仲多份口感，另外好喜欢餐厅系蚝上加上酸汁啫喱！
中间仲上咗一个舞蓉姑清汤，略有点咸但有好香嘅菇蓉味，用嚟清一清喉咙都唔错！
和食料理
平静鱼鱼鲛 、海胆蛋黄酱大虾、冲绳猪手
鱼鲛 煎得香口，够脆略带点粗骨；冲绳猪手超级入味，好浓好淋，满满嘅骨胶原！海胆蛋黄酱大虾，虾肉容易离壳，海胆烧完有焦㶶嘅香，两者好夹。
寿司
金木鲷、真鲷、银鳕鱼 、依佐目、烧拖罗、
新鲜鲭鱼、北海道马粪海胆、牡丹虾、拖罗。
特别想讲银鳕鱼，好香鱼油好肥美，入口即溶，配上三星渍（系北海道特产）令整件寿司带点咸香。依佐目有半生熟嘅口感，唔腥并带有葱香，几点清新，师傅更加上四季红 （一种香草），食完带点微辣，几特别嘅口感！
北海道马粪海胆 超新鲜，餐厅傍晚先返货，真系早少少都冇得食。呢种海胆带点回甘，唔咸，入口又系即溶！
牡丹虾系最欣赏嘅寿司之神，呢度嘅虾好唔同，无虾尾，虾头。反而将成个虾头既膏烧到半溶铺上刺身上，入口爽滑带点微暖，虾膏好够香。
汁物
鱼奶汤真系好想encore ！热辣辣上枱，好鲜甜，汤品呈奶黄色～饮到一滴不剩！
成餐饭系享受模式，食咗足足2.5小时！亦都好多谢师父每一碟𩠌菜嘅介绍！真系非常满足嘅一餐
愿我同男朋友嘅每一餐都食好西介绍俾大家！！！
张贴
