影片
更多
2024-03-22
4607 浏览
同男朋友6周年纪念, 所以就卜左呢间日本和牛寿喜烧放题庆祝一下, 下次食靓和牛就要等到6月去日本旅行了~~套餐分3个等级, 由5百几蚊至8百几蚊不等, 主要既分别系牛的种类, 最贵的套餐系日本三大和牛之一 - 近江牛, 其余都系鹿儿岛A5和牛。6百几蚊以上的套餐仲有啤酒任饮。3个套餐都有刺身、前菜、天妇罗等全部放题任食!问左店员之后, 我地决定简一个瘦少少的鹿儿岛和牛套餐, (因为我地都唔饮酒), 即系最平个个, 但个plan都有包汽水乌龙茶个D, 所以唔洗担心无野饮。等左一阵就开始上菜, 所有野(包括刺身)都先上一次, 有甜虾、油甘鱼、吞拿鱼、带子刺身, 值得嘉许系佢所有的刺身都非常新鲜! 带子同甜虾都极鲜甜, 油甘鱼爽口油香, 吞拿鱼赤身同三文鱼都出色。所以我地encore左好多次D刺身!之后就上左鹿儿岛A5和牛, 其实店员话就话系瘦D(赤身D), 其实都充满雪花, 烧落爆发油脂的香味, 再加上牛肉的嫩滑质感, 非常好食! 除左A5和牛, 佢仲有日本国产牛(赤身D), 鹿儿岛豚肉同德岛阿波尾鸡~~ 不得不提呢三种肉都畀到好大惊喜我, 反而我系钟意食呢3种多D, 因为A5和牛虽然系超
套餐分3个等级, 由5百几蚊至8百几蚊不等, 主要既分别系牛的种类, 最贵的套餐系日本三大和牛之一 - 近江牛, 其余都系鹿儿岛A5和牛。6百几蚊以上的套餐仲有啤酒任饮。3个套餐都有刺身、前菜、天妇罗等全部放题任食!
问左店员之后, 我地决定简一个瘦少少的鹿儿岛和牛套餐, (因为我地都唔饮酒), 即系最平个个, 但个plan都有包汽水乌龙茶个D, 所以唔洗担心无野饮。
等左一阵就开始上菜, 所有野(包括刺身)都先上一次, 有甜虾、油甘鱼、吞拿鱼、带子刺身, 值得嘉许系佢所有的刺身都非常新鲜! 带子同甜虾都极鲜甜, 油甘鱼爽口油香, 吞拿鱼赤身同三文鱼都出色。所以我地encore左好多次D刺身!
之后就上左鹿儿岛A5和牛, 其实店员话就话系瘦D(赤身D), 其实都充满雪花, 烧落爆发油脂的香味, 再加上牛肉的嫩滑质感, 非常好食! 除左A5和牛, 佢仲有日本国产牛(赤身D), 鹿儿岛豚肉同德岛阿波尾鸡~~ 不得不提呢三种肉都畀到好大惊喜我, 反而我系钟意食呢3种多D, 因为A5和牛虽然系超好食, 但始终油脂比较多, 好难食到好多旧… 而国产牛的油脂比例好少, 但可以食到牛肉本身的味道, 而豚肉同阿波尾鸡就肉嫩多汁, 可以食到劲多!
D菜类同样出色, 特别一提系menu上的春菊原来系皇帝菜! 劲新鲜, 好似系香港都系第一次食咁好食的皇帝菜, 平时系街市买的一般菜味都唔够浓…
最尾因为太饱, 所以只食左蕨饼, 系绿茶味再加黄豆粉, 系相当传统的甜品。佢仲有D卷蛋、青柠雪葩, 不过太饱所以无食了~~
总括黎讲, 食材质素非常新鲜, 店员的服务态度都好, 收碟速度快, 第日可以再encore
张贴
