大和豚総本店 (已結業)

旺角区食肆一向都好多，但系自己从来都未试过系雅兰中心食饭，今次朋友约我去大和豚食饭，本身我都系以一试无妨嘅心态去，但系原来质素又相当不俗！平日钟意饮少少酒精饮品嘅我，就叫咗杯苹果汁红酒冰特饮。卖相已经够靓，系玻璃杯入放满左新鲜嘅苹果果粒兼少量嘅伏特加酒，将苹果汁加酒倒系红酒冰球之中，系绝对有cocktail嘅感觉，爽呀！杂锦刺身用上肥美嘅三文鱼、鲷鱼、吞拿鱼等等，厚切不在话下，最重要系每件刺身都食得出系非常新鲜，唔系系厨房放左好耐嘅下烂货。每一件刺身放入口都感受到鱼身嘅冰冻同弹牙口感，感觉相当之满足。接著有大和青龙卷中，用牛油果包着三文鱼饭卷，三文鱼当然系肥美，而牛油果有著健康及清新嘅感觉，以青龙作做型，果然够架势！柚子椒盐鸡翼系我嘅至爱，鸡翼上枱嘅卖相当之骨致，一放入就即系食得出系用柚子汁腌过，所以食落去嘅时候都食到微微嘅柚子香，系送苹果酒嘅最佳小食。豚肉野菜飞鱼锅，汤底用上飞鱼干，猪骨，骨胶原同酱油炖制，所以系非常之香浓。配上爽口嘅豚肉，入面卷著丰富而新鲜嘅蔬菜，食材嘅新鲜度爆灯！！豚肉同蔬菜将汤底嘅精华完全吸收，真系上佳嘅享受，难怪呢个火锅，系餐厅嘅大热之选！！