花木日本料理 (已結業)

今日同男朋友食好嘢，呢间寿司店值得推介！胡麻菠菜油扬沙律$90 劲钟意呢个菠菜沙律，酱汁令到成个沙律好开胃😚香葱吞拿鱼腩蓉薄脆$108 吞拿鱼腩蓉好鲜甜，搽系薄脆上食脆卜卜，口感唔错！😋筑地精选寿司8本$300 卖相好靓呀，忍唔住狂影相！精选嘅寿司都好高质，食材新鲜可口！最钟意就系油甘鱼，好肥美，海胆都鲜甜美味，牡丹虾胶质口感有趣，好甜美😝😘其他嘅寿司都好正！活帆立贝$168 卖相一流，直接用贝壳装起帆立贝刺身，然后烧煮，配木鱼汤，有淡淡嘅香味，好清甜。如果贝壳唔够汤，就可以加啲汤。帆立贝劲香牛油🧈味，好鲜味，配菜d菇菌都吸晒牛油精华！冲绳豚肉野菜炒面$118冇食过咁好食嘅炒面，佢嘅面质一流，烟韧弹牙，加左七味粉，少少辣，好惹味，d配菜同猪肉都炒得好入味，呢个面我俾一百分🥰🥰🥰冲绳风味炸鸡$58外脆内软，唧咗柠檬汁落去食好似冇咁热气😝最正系个沙律酱，同d炸鸡好夹😜😜呢度嘅师傅制作用心，店员服务贴心，价钱合宜。