江南庭敘 (已結業)

辛苦工作旨在食。约埋几个吃货一齐来品尝一下高质打边炉。餐厅位于呢栋新嘅商业大厦入面，四周辽阔、空旷、有格调。入到餐厅一啲平时打边炉搞到成身臭嘅气味都冇，座位好阔每枱客隔得好远，有足够嘅空间，灯光光猛却柔和，冷气风口又唔会吹住，咁贴心嘅设计绝对要赞一赞！食物Menu喺个iPad度，唔使写纸仔。除咗做火锅之外，原来呢度亦有中式粥粉面饭供应，迎合打工仔平日午餐需要。讲返个边炉，皮蛋莞茜加沙嗲汤底$118，皮蛋芫西汤好足料，皮蛋食极都有，沙嗲汤底非常浓郁，啱晒重口味人士。桂花蚌$128、珊瑚蚌$128都好新鲜，分量唔少！金牌手切肥牛$328，切得够厚身，有嚼劲，牛味浓郁。甘香肥牛粒$238，比起手切肥牛我更爱呢个牛肉粒。油香味出众，牛肉够肥够腍，一口一粒，两三下手势就清左一碟。招牌四宝丸＄98，手打猪、牛、虾、墨丸共12粒，粒粒圆浑，弹牙爽脆，赞！顺德鲩鱼腩＄78 ，有成10件咁多，每件都大小一样，肉质软绵幼滑。响铃＄68，够脆新鲜冇油膱味，但真系比炸千层腐皮＄68比了下去，响铃周围都有得食，但呢个炸千层腐皮真系非叫不可，即叫即炸，配埋泰式辣酱可以就咁食，豆香味浓，外脆内软。怕热气又可以放入汤