大紅袍火鍋料理

营业中

休息中

呢排天气都系麻麻地，冇咩太阳仲有时会落雨，叫做有d寒，所以我同个friend度完姊妹裙之后去打边炉。好彩佢够醒打定电话去book位，如果唔系我地实有排等。尖沙咀分店我都系第一次去，入到去地方好宽敞，服务员好friendly，坐低左我地就即系落个汤底，佢话要食麻辣但系我又唔食得辣就嗌左个鸳鸯汤底，一边麻辣一边花雕药膳。估唔到个花雕药膳汤底唔错㖞，花雕味香但入口又唔会太浓，正呀👍🏻👍🏻👍🏻👍🏻之后我地再嗌左d平时食开既火锅配料。所有既火锅配料卖相都好好，先讲下个手切肥牛，牛肉相当新鲜，刀工好好，切得好薄，而且牛既脂肪比例适中，好有牛味，又唔会un👍🏻👍🏻👍🏻👍🏻脆鲩片都好值得一提，佢同样新鲜，而且真系好爽口，唔会煮熟左就淋晒👍🏻👍🏻👍🏻👍🏻至于，个芝士狮子狗都系我既最爱，要咬落去个下，先会有芝士流出黎，仲热辣辣既所以要好小心咁食，咪好易辣亲，不过真系好好味😋😋😋😋仲有就系淮山，坚系正，超级爽口，唔会淋晒又唔会一pat pat咁，食完好易上引👍🏻👍🏻👍🏻👍🏻至于其他既火锅配料就不过不失，冇话大惊喜，觉得食材系新鲜同干净既。