影片
更多
2021-08-25
39 浏览
良刺身盛 + 日本北海道仙凤趾生蚝有大拖罗、赤身、金目鲷、缟池鱼、三文鱼、八爪鱼、甜虾同帆立贝各两切。金目鲷同缟池鱼都系白鱼，肉质弹牙鲜嫩，味道几清新。大拖罗鱼油丰富而不腻，肥美多汁赤身口感会结实啲，较少脂肪，鱼味浓郁；帆立贝味道纯净甘甜，口感柔嫩弹滑；三文鱼够厚切，脂肪都几丰富。八爪鱼有咬口得嚟唔会过韧；甜虾好鲜好甜，肉质黏口。日本北海道仙凤趾生蚝一上台我哋已经心心眼，啲生蚝好大只！师傅处理得非常干净，完全冇沙冇蚝壳碎。平时食蚝我会一啖过大口「啜」，今次呢只肥美到我要分两啖食，非常饱满！浓浓嘅海水味喺口腔入面徘徊，余韵悠长，依家谂返起郁好想再食白鳝烧得好香，逼晒啲鱼油出嚟，鱼皮好够脆，鱼肉唔会太干或太㶶，入面亦无咩骨。本身烧得好，调味就唔洗花巧，简单少少盐同加几滴柠檬汁已经好好食。大拖罗寿司因为大拖罗刺身好食，所以我又另外点咗个大拖罗寿司。今次嘅大拖罗望落比头先𠮶嚿更多脂肪，细嚼嘅话会食到少少筋，质感松软，鱼油丰富寿司饭微暖，带有少少甜味，软硬适中，唔会「一嚿嚿」咁。呢啲就系加分位，凭嚿饭都知寿司师傅嘅功架同诚意，同出面连锁店嘅系唔同档次。松叶蟹甲罗烧满满嘅蟹膏，咸香大爆发，送饭一流
良刺身盛 + 日本北海道仙凤趾生蚝有大拖罗、赤身、金目鲷、缟池鱼、三文鱼、八爪鱼、甜虾同帆立贝各两切。
金目鲷同缟池鱼都系白鱼，肉质弹牙鲜嫩，味道几清新。
大拖罗鱼油丰富而不腻，肥美多汁
赤身口感会结实啲，较少脂肪，鱼味浓郁；帆立贝味道纯净甘甜，口感柔嫩弹滑；
三文鱼够厚切，脂肪都几丰富。
八爪鱼有咬口得嚟唔会过韧；甜虾好鲜好甜，肉质黏口。
日本北海道仙凤趾生蚝一上台我哋已经心心眼，啲生蚝好大只！师傅处理得非常干净，完全冇沙冇蚝壳碎。
平时食蚝我会一啖过大口「啜」，今次呢只肥美到我要分两啖食，非常饱满！浓浓嘅海水味喺口腔入面徘徊，余韵悠长，依家谂返起郁好想再食
白鳝烧得好香，逼晒啲鱼油出嚟，鱼皮好够脆，鱼肉唔会太干或太㶶，入面亦无咩骨。本身烧得好，调味就唔洗花巧，简单少少盐同加几滴柠檬汁已经好好食。
大拖罗寿司因为大拖罗刺身好食，所以我又另外点咗个大拖罗寿司。
今次嘅大拖罗望落比头先𠮶嚿更多脂肪，细嚼嘅话会食到少少筋，质感松软，鱼油丰富
寿司饭微暖，带有少少甜味，软硬适中，唔会「一嚿嚿」咁。呢啲就系加分位，凭嚿饭都知寿司师傅嘅功架同诚意，同出面连锁店嘅系唔同档次。
松叶蟹甲罗烧满满嘅蟹膏，咸香大爆发，送饭一流。
食到少少清酒味，再捞埋只生鹌鹑蛋一齐食会更加滑溜。
临走见到原来可以用app优先落单，下次试吓先。
张贴
