影片
更多
2021-04-04
1203 浏览
好耐冇好好食餐晚饭啦，困咗咁耐食返好少少唔好自己都唔锡自己😂难得约齐人又有地方，4人一枱都霸咗人哋个场4只角好似包场咁😆呢度有个好处，想食几钱位点食法，订枱𠮶阵千祈唔好怕丑讲就得，而且佢收埋好多隐形菜式，所以一定要另外问，今次我哋真系困得太耐，要豪啲，要食到wow wow声嘅👏🏻开咗$600位要佢安排👀一嚟讲个劲爆嘅先😜用手背食法国鱼子酱配香槟，我哋15个人，都系每人$60，就食到两啖鱼子酱同一杯香槟，老板会出嚟讲解同讲点食，讲真，真系冇谂过会同成班friends咁食法，超high，啲女士重讲笑冇载埋钻石介子影相😅不过咁，有香槟同冇香槟个味真系好唔同，鱼油好劲，$60蚊就试啦，等二度绝对唔会系呢个价钱😍重食咗美国牛烟肉潜艇啦，冇写错，牛做嘅烟肉，𠮶只真牛油不得了，超级香，但后尾隔离枱话牛烟肉pizza先更不得了🤔焗砂煲咁大个拳头嘅北海道响螺龙虾汁意大利手功意粉，个螺咗好大只， 超多芝士😍好鲜甜，意粉又有弹性，同食开𠮶啲好唔同，佢有回弹㗎， 蛋香又劲👍🏻可能系我冇见识啦😆 跟住又食咗个叫黑白乳牛 OP ribs 嘅扒，好大块， 烧得好香，肉味够浓又够淋，特别个骨位👍🏻 整体系好正呀， 不
呢度有个好处，想食几钱位点食法，订枱𠮶阵千祈唔好怕丑讲就得，而且佢收埋好多隐形菜式，所以一定要另外问，今次我哋真系困得太耐，要豪啲，要食到wow wow声嘅👏🏻开咗$600位要佢安排👀
一嚟讲个劲爆嘅先😜用手背食法国鱼子酱配香槟，我哋15个人，都系每人$60，就食到两啖鱼子酱同一杯香槟，老板会出嚟讲解同讲点食，讲真，真系冇谂过会同成班friends咁食法，超high，啲女士重讲笑冇载埋钻石介子影相😅不过咁，有香槟同冇香槟个味真系好唔同，鱼油好劲，$60蚊就试啦，等二度绝对唔会系呢个价钱😍重食咗美国牛烟肉潜艇啦，冇写错，牛做嘅烟肉，𠮶只真牛油不得了，超级香，但后尾隔离枱话牛烟肉pizza先更不得了🤔焗砂煲咁大个拳头嘅北海道响螺龙虾汁意大利手功意粉，个螺咗好大只， 超多芝士😍好鲜甜，意粉又有弹性，同食开𠮶啲好唔同，佢有回弹㗎， 蛋香又劲👍🏻可能系我冇见识啦😆 跟住又食咗个叫黑白乳牛 OP ribs 嘅扒，好大块， 烧得好香，肉味够浓又够淋，特别个骨位👍🏻 整体系好正呀， 不过佢手工菜上菜真系慢嘅， 但佢订枱嘅时候都已经讲得好清楚佢系得一个人煮，夸张起嚟等一个半钟都冇得食，所以最好一日前出咗菜单先。 佢哋太忙啦，一个人煮一个人睇场，家庭式小店，好free，建议平日去好啲，因为只要佢哋得闲呢，就好多酒经倾😜分分钟攞埋啲珍藏一齐饮😆
题外话/补充资料：
我第一次嚟系食百零蚊位，愈食愈贵😂唔系佢加价，系啲食材愈嚟愈独特，净系牛已经好多种，老板好有心机。识食就觉得好平，唔识就觉得好贵😅呢度好玩㗎，伙记有讲有笑又搅笑。就算同佢讲想食$100位，佢真系整到个平靓正菜单唔系讲笑😆
(以上食记乃用户个人意见 , 并不代表OpenRice之观点。)
张贴