阿里山台式美人鍋 (已結業)

同泳友游完暖水池後，佢提意啲幾日咁冬，食火鍋補身最好不過，我哋去附近上海街一間台式火鍋店食美人火鍋，上到一樓見週圍有屏風隔住每圍枱，感覺有私人空間。美人鍋湯底有成隻鳥雞、補氣血嘅黨參、北芪、多粒藍棗，仲有養顔嘅桃膠，啖湯飲落有香濃藥材味，確係一鍋滋補美顏湯。泳友點左個安格斯雪花肥牛，雪花均勻；放喺滾湯拖兩拖就得，甘香肉味入口即溶👍。鳳城水餃餡料豐滿，有好多木耳同蝦肉，皮薄餡靚。炸響鈴一般，稍為過火一啲同卷得唔夠實🤗炸芋頭切番厚啲口感會好啲。整體嚟講啲餐主角之一美人鍋，總算無令我失望。