漁道樂 (已結業)

味噌蟹甲罗($78)，蟹膏味浓郁，吞左之后既余韵仍然停留在口腔中，好味到刮到蟹盖都干干净净。矶煮鲍鱼($128)，共9片，切得波浪纹状，卖相好吸引食欲，爽口得黎带少少烟韧口感。软壳蟹天妇罗($128)，有软壳蟹、茄子、秋葵、冬菇、南瓜，软壳蟹炸过本身都脆，再加上包住软壳蟹既簿脆粉浆，简直脆上加脆，另外南瓜都系我个人比较喜爱，因为好甜。萨摩手羽($88)，共2只，鸡肉好嫩有肉汁锁住，外皮脆身带少少焦香。牡蛎和牛($198)，用蚝同和牛一齐食既配搭好新颖，蚝饱满有肉汁，而和牛就有油脂香味，有埋黑松露做点缀。秋刀鱼寿司($148)，系期间限定寿司，秋刀鱼一般比人感觉用烧既方法去处理，但原来做鱼生寿司同样无得顶，鲜味好突出。特选寿司盛合($298)，八贯寿司，色泽方面每件都好鲜艳或者晶莹剔透，证明食材新鲜，带子好软绵绵好滑身，吞拿鱼亦好鲜甜，而且仲系厚切。海葡萄绿茶冷面($128)，点左一款乔麦面，饱肚得黎又可以食得健康一d，沾面既汁亦比较清淡d，可以食多d乔麦面都唔怕，一粒粒既海葡萄增加食用时口感层次丰富。