新蔡潤記魚旦粉麵 (已結業)

粉面老店几十年，招牌菜自制鱼蛋，必食。另外有时好时坏未研发成功即牛腩，好时就嫰滑入味、差时就淡而鞋口，值得一驳？自制辣椒油，够晒香辣，净食渣最正 ﹗鱼蛋水准稳定，但牛腩真系劲差参，但真系无咩几可系好食 ~ 食材属其次，师父始终最重要，好怀念十几年前既老师父呢 ~ 以前连牛腩都未有得卖，鱼蛋粉同面系顶级好味架 ﹗咁多年师父都转左好几个，有时仲有啲女仕负责出品，见到女仕煮面既时候亦系质量最恐怖既时候，完全唔系应有既味道、应有既口感 ~依个就系我第二最爱的新蔡润记辣椒油，够晒辣又够香，净渣当饭食都得。不过最爱始终系旧蔡润记辣椒油，比新蔡更香更辣，味道更细致，但系非卖品，只供堂食。鱼蛋鸳鸯加底加皮走葱，第一次咁晏五点几黎食，当晚饭，无咩客、无咁忙，出品好返少少啦。汤微暖，不够热，免强收货，味道都够浓。鱼蛋保持弹牙爽口，鱼味鲜甜。多年炸鱼皮都未能彻底改进，始终粉太多喇 ~ 鱼皮本身系炸得好香脆的，浸汤同食一流。粉算滑但不棉，水不够热又烚既时间不够。面几好，咽咽靭靭，蛋味仍在。