Café Imagine (已結業)

我哋去到嘅时候店内冇客人，男店员由厨房走出黎同我哋倾偈，仲推介我哋食韩式拌饭同米纸卷。由于我哋系太子旧店已经试过，所以就冇叫到。⠀⠀⠀⠀⠀⠀⠀⠀⠀⠀点完餐之后可以自己出去攞餐具同斟水饮。虽然菜式种类唔多，但所用嘅食材都好特别，部分系我未曾食过，例如海竹笙、海茸头。⠀⠀⠀⠀⠀⠀⠀⠀⠀⠀🥢麻辣海鲜什锦 ($78)素海鲜有珊瑚草同海茸嘅唔同部分，包括有海茸头 (素螺肉)、海茸细管…。食材选用上几有心思👍👍，有别于部分素店，用蒟蒻扮唔同嘅海鲜。海茸质感比蒟蒻更爽口。⠀⠀⠀⠀⠀⠀⠀⠀⠀🥢果皮冬瓜夜香花素鸭汤饭 ($89)上菜时，店员特意提醒汤底冇落味精，饮埋D汤都冇问题。汤底有香茅、柠檬叶同芝麻嘅味道，感觉好清新，啱哂夏天冇咩胃口嘅时候食。素鸭煎得香脆，豆味浓郁。⠀⠀⠀⠀⠀⠀⠀⠀⠀⠀🥢姜丝芫茜炆花菇海竹笙烩姬松茸面 ($93)炆花菇好香，餐厅充满冬菇嘅香味，我哋一入餐厅门口已经闻到。姬松茸面爽口，芡汁嘅咸味入哂海竹笙到，所以净食都几咸，捞埋面条一齐食就啱啱好。⠀⠀⠀⠀⠀⠀⠀⠀⠀⠀🥢桂花柠檬龙舌兰蜜 ($35)⠀⠀⠀⠀⠀⠀⠀⠀⠀⠀🥢桂花冬瓜茶 ($21)