胡爐 (已結業)

好耐以前有食过依间餐厅嘅单点火锅，嘢食超级高质，今次于是过嚟试吓尖沙咀分店嘅依间胡炉餐厅🍴一于睇吓食物质素可唔可以维持到啦！未到一如既往地人气好高，已经有好多人排紧队食，所以都系果句，想食嘅朋友记住早啲book位，咁就可以即刻有得食啦😆呢度嘅职员服务态度好好，而且座位好阔落，食得安心又放心💕今次我哋试咗半放题形式，虽然系半放题形式，但系嘢食质素一如既往地咁好，简单来讲嘢食一样咁好味，但系价钱平咗好多，jeng!汤底方面我哋拣咗滋补人参鸡锅，材料真系超级丰富，劲足料！直接汤底都可以饮埋佢，里面有大大只嘅鸡，而且超香人参味，净系汤底已经好揼本😆另外海鲜拼盘嘅质素都好高，海鲜超级丰富，而且超级鲜甜，最后推介必食依度嘅牛肉，肉质鲜嫩，超香牛味！