辰 (已結業)

🔸晚 · 17品 $980@-同男朋友庆祝拍拖纪念日，我哋都好钟意食日本野，所以拣咗间日本餐厅，食豪啲叫omakase！前菜有三款，分别系冲绳水云+淮山、萤光鱿鱼同埋芋头，主要系味道开胃为主～刺身有四品非常丰富，首先有千叶县熟成三日地金目鲷嘅背同埋腩位，口感唔同但一样咁新鲜。跟住有南澳龙虾伴虾头膏，超犯规地鲜甜好味！！仲有北海道活八爪鱼伴鹿儿岛间白鱼，八爪鱼吸盘超爽口，师傅仲拎咗其中一条八爪鱼脚俾我哋睇，超巨大～最后有高知县烟熏鲣鱼，烟熏过好香～跟住有盐烧白鳝，调味刚好，鱼肉亦好嫩滑，连埋烧脆嘅鱼皮食好正！之后嘅寿司环节更丰富！有师傅自家制柚子萝卜，好爽脆清新！寿司有冲绳笛鲷、活北寄贝、岛根县Donchichi池鱼，男朋友最爱嘅奄美大岛熟成五日拖罗，同埋我最钟意食火炙银鳕鱼，全部都好新鲜好味！跟住有师傅即席烧嘅鹿儿岛A4和牛丼，配酱油渍蛋黄，和牛烧得刚刚好，入口即溶，无得输！最后饮埋一碗吸物，系有蚬、豆腐、海带嘅清汤。仲有甜品，黑色嘅焗寿司蛋同埋抹茶奶冻，食到好饱好满足！