影片
更多
2008-01-21
37 浏览
事缘阿婆上次同佢系大荣华饮茶同当系生日饭, 佢话唔算数㖞话次次生日饭都系食晚饭于是乎擒晚就出咗嚟食呢一餐啦, 谂起饮食男女介绍过呢间位于乐富上面既食栈又讲到明话佢啲乳猪系即烧既就拣咗佢, 点知一去到见到个装修已经好核人心谂算啦啲嘢食好味咪得啰又唔系嚟食装修, 跟住足足企咗系度5分钟都无人1个伙记嚟带位, 正想自己揾个位坐之际先有个阿姐出现带位坐落枱到见到佢啲枱布同啲"登" 好似十年无换过咁..... 跟手攞起个餐牌睇啲𩠌既价钱都唔系平㖞, 咁既然收得呢个价钱唔该就换咗啲枱布同啲"登"啦, 最好只系拣咗个乳猪例牌都要$98 蚊(老实讲啲皮系几脆但系啲肉同普通既烧"立" 铺无分别), 椒盐腰果豆腐$48 (系呢一餐最好味但系又唔可以讲得出有几好味既𩠌), 蒜蓉炒豆苗$38 (无嘢讲一个连阿婆炒都炒到既菜嚟啫), 鱿鱼蒸肉饼$48 (一个超难食既肉饼正确嚟讲佢唔系肉饼, 系一个用咗啲豆粉沟咗落去啲肉到扮肉饼既𩠌, 如果想一手分开啲肉饼我会提议用刀叉啰), 上以既价加埋4碗饭收咗我$300 蚊仲系有$6 唔找谂住我一定会比贴士佢, 最衰我同个女去咗厕所如果系我比钱佢唔找我实铲到佢上天花板吖.
张贴