一風堂 (新港中心) (已結業)

嚟到一风堂，一定系叫拉面，我自己钟意食辣，所以一定会叫赤丸拉面，店员会问你想食咩面质，我选择普通，嚟到既面唔太软唔太硬，仲有烟韧弹牙，拉面上既肉，肉味好浓，肉质鲜嫩弹牙，好好味，另外有只糖心蛋，蛋味浓，有别于一般既蛋。今次除左拉面，仲点左个沾面，面比平时拉面粗，但唔会硬，都系烟韧弹牙既，沾面汁味浓，沾沾上面条食，味道刚刚好，不得不提面上面既肉，好肥美，油脂比例啱啱好，怕肥既我都忍唔住食晒。到小食方面，今次我无点饺子，而系点左牛油果大虾配芥末酱，有惊喜，本以为40几蚊应该得一两只虾，点知佢系有好多只虾，虾好鲜甜大只，牛油果好新鲜，配埋芥末酱真系perfect match，好清新，下次一定会再点嚟食。