影片
更多
2024-07-25
2839 浏览
饺子控嘅我成日都周围揾好味饺子，依间亦系我第一次食就爱上嘅饺子店，平时我通常都去总店食，唔知分店又有冇分别呢🤩我同屋企人叫咗个手工饺子套餐，拣左要是日新款煎饺子同煎洋葱猪肉饺，配是日住家面类系乌冬，而冷盘小食系菠菜，饮品系乌龙茶，乌冬份量比想像中大碗，入口好烟靭又顺滑，食得出系手打乌冬，质感一啲都唔粉，汤底系昆布鲣鱼汤，清得黎唔会太过淡，味道啱啱好。本人最钟意煎洋葱猪肉饺，外皮煎得非常之香脆，个皮够晒薄，咬一啖洋葱猪肉嘅汤汁涌出嚟，食到好甜又浓郁，超好食！而是日新款煎饺子系泰式冬阴功味，酸得来又辣辣地几开胃另外我哋叫咗灼云耳椰菜猪肉饺同韭菜猪肉饺，水饺皮一样非常滑又够薄身，食落口唔会一团粉咁，云耳椰菜入边有少少姜，软熟又弹口嘅感觉，不得不赞韭菜猪肉饺入边嘅韭菜好香，食完都仲有韭菜嘅香喺口腔中徘徊，如果灼饺嚟讲我个人非常推荐要韭菜饺嚟到点可以唔食佢哋嘅招牌热卖红烧猪手，炆得非常浓郁入味，同埋已经系炆到好软熟，一咬啲骨已经好容易碎，猪手骨胶原同肉嘅比例好平均，唔会净系食到猪皮咁腻😍跟餐嘅冻豆浆唔会太甜，都几好饮最后又点少得佢哋舖头最热卖出名嘅巴斯克蛋糕，我去到已经得返咖啡味，之前食过原味已
我同屋企人叫咗个手工饺子套餐，拣左要是日新款煎饺子同煎洋葱猪肉饺，配是日住家面类系乌冬，而冷盘小食系菠菜，饮品系乌龙茶，乌冬份量比想像中大碗，入口好烟靭又顺滑，食得出系手打乌冬，质感一啲都唔粉，汤底系昆布鲣鱼汤，清得黎唔会太过淡，味道啱啱好。
本人最钟意煎洋葱猪肉饺，外皮煎得非常之香脆，个皮够晒薄，咬一啖洋葱猪肉嘅汤汁涌出嚟，食到好甜又浓郁，超好食！而是日新款煎饺子系泰式冬阴功味，酸得来又辣辣地几开胃
另外我哋叫咗灼云耳椰菜猪肉饺同韭菜猪肉饺，水饺皮一样非常滑又够薄身，食落口唔会一团粉咁，云耳椰菜入边有少少姜，软熟又弹口嘅感觉，不得不赞韭菜猪肉饺入边嘅韭菜好香，食完都仲有韭菜嘅香喺口腔中徘徊，如果灼饺嚟讲我个人非常推荐要韭菜饺
嚟到点可以唔食佢哋嘅招牌热卖红烧猪手，炆得非常浓郁入味，同埋已经系炆到好软熟，一咬啲骨已经好容易碎，猪手骨胶原同肉嘅比例好平均，唔会净系食到猪皮咁腻😍
跟餐嘅冻豆浆唔会太甜，都几好饮
最后又点少得佢哋舖头最热卖出名嘅巴斯克蛋糕，我去到已经得返咖啡味，之前食过原味已经觉得好好食，估唔到咖啡味都冇令我失望，咖啡味道非常适中，唔会盖过咗本身芝士嘅香，个质感软熟得来，又唔会过分流心，真系冇得输，必食！
张贴
