意大利餐廳 (已結業)

昨日生日，先生同我食生日饭。本来谂住去愉景湾，但全日都好大雨，决定留返系东涌食。系海堤有几间西餐厅，不过呢间系最多人，包括鬼佬和香港人。虽然成日食佢既外卖（外卖好抵和好味），但都决定食呢间。环境：有室内和室外，室外好多鬼佬通常较嘈，室内通常系香港人，但我地张台冷气机滴水非常严重，拣位时要小心！叫左个顶级肉眼、纽西兰牛柳同埋Tiramisu.顶级肉眼叫左medium rare，虽然好软好淋，但我觉得生左少少，同埋好多肥羔，反而配菜沙律非常新鲜。纽西兰牛柳要全熟，我先生觉得好软熟又好味，系encore 之作，反而薯蓉一般。Tiramisu 最抵食$55大大件仲有两球朱古力雪糕，因为好饱，所以觉得味道一般。但绝对值得叫。基本上呢间餐厅质素几高，暂时食过无论外卖和堂食都好味，所以会再黎试唔同既野。