LIFETASTIC (已結業)

今次系我第5次嚟到Lifetastic ! 好少有间餐厅我会重覆去咁多次，因为总系会贪新鲜，试下唔同嘅餐厅。不过我钟情呢间cafe，除咗系因为食物水准一流，亦因为佢嘅环境！西环店位置极近地铁站，落地大玻璃前有一排high chair，望住街外人来人往，叹住杯咖啡，不知几写意。今次系去食晚餐，dinner menu 其实选择好多，大大话话有成十几款意粉选择，仲有d前菜小食咁，饮品除咗咖啡、仲有花茶，果汁，要拣定食d咩都需要一d时间！我order 咗个三文鱼三文鱼籽芦笋意粉，朋友叫咗个冬荫公大虾意粉，当然唔少得招牌士多啤梨西瓜蛋糕啦！三文鱼意粉系忌廉白汁底，三文鱼切粒，配上紫洋葱、什菌、芦笋，酱汁浓稠度适中，忌廉味浓郁。芦笋同什菌亦都非常多，我差每一啖都总会食一d蔬菜，感觉健康d，可以平衡翻忌廉嘅heavy 感觉。朋友个冬荫公大虾意粉我都试咗几啖，味道都几特别。虽然系冬荫公，但一d都唔辣，反而好香椰奶味，大虾身型唔算大，但肉质都弹牙！最后，唔少得系我嘅至爱，士多啤梨西瓜蛋糕！无得输，无论食几多次都一样咁钟意食！西瓜系唔知点解一年四季都咁甜咁多汁，好奇一问之下，原来系用马来西亚嘅品种。挑选优