六公館

营业中

休息中

嚟过三四次食饭，每次都系揽住个肚好满足咁走。餐牌好多选择，每次都可以试唔同野，次次都有惊喜。如果第一次去，可以试下几呢样︰蜜汁黑豚叉烧 - 半肥瘦，好好咬口，蜜汁香甜但唔会过多，点到即止。招牌乳鸽 - 皮脆肉嫩，又多汁，名不虚传。一人一只非常惹味。松茸羊肚菌海胆烩饭 - 必食，羊肚菌超香，加埋海胆嘅CREAMY，超好食！老少咸宜！茉莉花茶味意式奶冻 - 净系卖相已经100分，整到好似一杯中国茶咁，食落有茉莉花茶嘅清香，配奶香好夹。佢餐牌咁多野，真系有排试，系有啲贵架喇，但好味就抵返晒。多啲人一齐去，就可以试多啲菜啰。