三星台菜食堂 (新城市廣場一期) (已結業)

食飽飽, 個胃仲有位放刨冰, 就嚟咗三星。刨冰 (4款配料) $48- 優格魔豆, 愛玉, 椰果, 紅豆刨冰份量之大, 2-3人share剛好。刨冰淋咗黑糖, 配埋配料同食, 唔覺單調。配料視乎當日供應, 有8款任揀。食緊刨冰嘅同時, 聞到周圍傳嚟濃郁牛味, 所以過咗兩日, 嚟咗試佢哋D麵。三星麵 (牛筋, 牛, 牛肚, 粗麵, 蕃茄湯底) $82蕃茄湯底其實係紅燒湯底上加蕃茄粒, 蕃茄粒清爽開胃, 紅燒湯雖不是十分濃郁, 但清澈可口。牛雖然切成大塊, 但燜煮至軟腍, 一D都唔靭。酸菜牛肉刈包 $48試埋佢哋嘅酸菜牛肉刈包, 酸菜開胃, 牛肉香腍, 甚有份量。