반찬앤쿡 Banchan and Cook (時代廣場) (已結業)

时代广场楼上呢一间韩国嘢经常性都超多人排队𠮶日终于book到枱同朋友嚟食反餐😻舖头环境干净企理 亦都有分不同区域并且摆设上都充满少女心💕先讲我地叫左个慢煮鸡胸蛋包饭🐓鸡胸肉质地柔嫩 蛋包饭半熟而且流心 仲有得自己体验切开流出嚟𠮶刻 令人垂涎欲滴 饭入边系炒饭加牛柳底 蛋同饭配合得天衣无缝😳另外一个无骨蜜糖炸鸡 里面除咗炸鸡同薯条之外仲有年糕🤤每样嘢上边都包咗一层焦香嘅蜜糖加上少少芝士粉 味道超夹❤️如果钟意食甜野嘅人一定一啖接一啖 鸡肉肉质柔嫩 薯条都炸得好脆仲有一个烧酱油黑毛猪白切肉配大酱生菜 整体份量都大😋黑毛猪嘅肥瘦分配均匀 皮都烧得好烟靭 酱油味重但包埋生菜加泡菜大酱味道即刻均匀晒😌另外叫左杯士多啤梨鲜奶咖啡🍓士多啤梨糖浆味道都重但亦都冇盖过latte既奶香同咖啡味 互相都非常调和💕最后以一个烤朱古力棉花糖收尾😻呢个甜品劲有童年回忆令我忆起每次烧烤都会食既烧棉花糖 少少痴牙简直系必须👹加埋朱古力同底既饼碎 超级邪恶🤤但都偏甜餐厅整体用餐体验不错 虽然等待时间较长但都值得 而且店员服务态度有礼貌👍🏾