糖室 (已結業)

开心星期五，约左朋友行左阵街，到下午茶时间有少少口痕，所以去食个甜品过下口瘾，一黎到已经有几枱客人，坐左阵已经差唔多全场爆满，可能暑假特别多人黎食店外张吊网床同露天位，店内装修都好有格调，以灰黑墙木枱为主，气氛唔错又带D神秘感。甜品款式数之不尽，有几款都系人气推介，当然我都心思思想叫黎试下玫瑰荔枝冰: 系店中既第一名热卖人气甜品，卖相似艺术品，一送上枱已经闻到阵阵玫瑰花香，食落有清香既玫瑰味，味道恰度好处，冰上面淋左一层糖浆，甜度刚刚好，食到中层有荔枝雪米糍，口感烟韧得黎好清甜，再食深层少少有白桃蒟蒻，白桃好香，蒟蒻好Q弹，最后系白桃乳酪雪糕，味道酸酸甜甜同桃味好浓，最后浸住水既玉米片口感仲好爽脆，从来无食过个冰有咁多配料，好有层次宇治抺茶心太软: 一切开绿色心太软，皮脆内热，香浓既抺茶酱慢慢流出黎，茶味随风而飘，抺茶浓度控制得刚刚好，唔会偏苦或偏淡，海盐牛奶雪糕既牛奶味好突出，再配埋雪糕底既日本紫薯同黑芝麻酱，淡淡甘甜紫薯加上香浓既芝麻，好好味