餃餃餃子 (已結業)

老婆话去饺饺饺子度食，听个名我仲以为系一间上海饺子店。但去到门口先知道系一间日式饺子店。两个人，叫咗五样嘢。第一样系 chao chao 饺子，16件， 每件都细细啖。 啲皮都黏得好实，你都好难夹返16件出嚟。夹夹下就皮肉分离。第二样系三色饺。分别系海老，蘑菇同九条葱饺子。除咗分得开海老外，其余两款食咗都唔知咩味。第三样就咖喱乌冬，呢个最唔抵食。一个乌冬加咖喱汁就盛惠$48.第四样系日式牛筋豆腐煮饭。相比个咖喱乌冬，呢个卖相同味道都好食好多。最后系小丸子，话香港店特有，但食落同其他店都无大分别。总括而言，店舖有不同口味的饺子，是有诚意的。不过会唔会试晒咁多款？我就不会了。