渝味曉宇重慶老火鍋 (新城市廣場) (已結業)

新开张，怀著兴奋嘅心情去试 ，叫咗个鸳鸯麻辣锅汤底，再叫咗九样野。因为两个人所以乜都叫半份， 谂住乜都试下。点知嚟到，哗～原来半份得𠮶四五块， 唐生菜都系， 得𠮶几块叶， 唔知仲以为系伴碟𠮶啲菜 。 $119 半份肥牛， 得个四片。 $30/一片肥牛， 如果系咁好食我都觉得值嘅。最惨系唔好食！优质肥牛又唔觉得佢有咩咁优质㖞，咪又系一般肥牛咁样样。 你睇佢啲脂肪分布都知唔系靓肥牛，而且冇肉味。 其他𩠌都系好一般， 个桂花蚌即使用清汤底煮都食唔到清甜。真心唔饱，谂住再嗌多几样𩠌 ，不过都系算了。 冇乜信心。打边炉最紧要个汤底 ，汤底太辣， 食唔到麻味， 一味得个辣。结帐五百几蚊 ，食完好似冇食过咁 。 如果请女朋友呀男朋友去食呀，记得食个杯面先去打底，哈哈。最后落咗去打包 shake shack 。哈唯一嘅好处系所有食材都有张细仔，提醒你要渌几耐 ，不服务员嘅服务都唔系太好，有个女的特别黑口黑面。 客人唔多，只有四分一。 环境舒适，非常宽敞。