Operetta (已結業)

饮食版图开始扩阔，并伸延至金钟。同朋友食好「西」，好「西」通常都会0系外国人聚集的地方，所以今次我哋去到太古广场。Operetta在太古广场中系中价位的食店，主打正宗意大利菜，所以不乏外国人帮衬。内里装潢都几华丽，但有少少vintage的风格。餐牌全英文，上面亦有唔少菜式系传统意大利菜，都系我哋冇见过的。好彩佢有列明ingredients，英文亦难唔到我。落单后，店员先送上面包篮，内容都几丰富，有好几种唔同质感的面包。其实几款都几好食，但当中我比较钟意呢款。佢将面包的表皮切成一块块，按扁再炸脆，就好似薯片咁。Appetizer拣咗一个鲜蚬肉，番茄酱、蒜蓉、洋葱等等的配料成功咁带出咗蚬肉的鲜味，好滋味。呢个和牛意大利云吞令到我哋对餐厅加左唔少分数。首先系佢哋的诚意，佢知道我哋两个人share，特登帮我地分成两份。每一份都有大概八件，件件都系一丝不苟的正方形。咬开后，可以见到丰富的馅料如和牛肉碎、青豆、芝士等等。整体配合得好好，丰富得来恰到好处；质感Creamy得来唔会太腻。呢个猪腩仔肉亦好出色，首先摆碟已经好靓，令人眼前一亮。再者，经过慢煮而成的猪腩仔，每一件肉质都好嫩，而且层次好分明。