十三少 (已結業)

来到乐富的十三少，谂起四川，谂起酸菜鱼，谂起水煮鱼。再谂谂下已经好耐冇食过水煮鱼啦，因此今日都系下定决心，食个辣辣的水煮鱼吧，再点个新品“十三少蒜香荷叶蟹饭”。喺两个饭𩠌未上之前，叫个小食“凉拌土豆丝”，点解叫呢个呢，因为我觉得自己喺屋企都煮唔好，煮唔出呢种味道，首先我没有师傅的刀工，切到齐齐整整土豆丝，亦调较唔到个凉拌汁，都系乖乖哋喺度食好啲，而且𠮶蟹饭都要成廿分钟先至整好，一边食一边等几咁好。其实我唔系好食得辣，但亦唔想次次叫酸菜鱼，今次豁出去了。诱人的红红辣椒舖满面的水煮鱼上枱了，一阵鲜，香，麻，辣气味迎面而来，嗯，感觉好好，试吓旧鱼片先，好嫩，好滑，辣度亦可以接受，仲有芽菜，红薯宽粉，青瓜相伴，正，好耐未试过呢种感觉。而荷叶蟹饭有香口微辣的蒜蓉和青绿色的葱花配搭，好靓嘅摆碟，好满足。