象泰 (已結業)

今时今日食泰国菜，又使乜去到九龙城啊，今日我嚟到屯门嘅呢一间象泰，环境舒适，地方阔落，最紧要嘅系佢嘅食物充满风味啊。食泰国菜，又点少得食返个蒜蓉包先啦，佢哋嘅蒜蓉包比较特别，四四方方，用一般嘅白面包来做嘅，唔系好似一般嘅餐厅，用法包做，一上枱已经充满浓浓嘅牛油同蒜蓉香味，佢嘅牛油每一面都揸到架，十分之均匀，外脆内软， 10分滋味。软壳蟹纸米卷，新鲜包起，即叫即制，因为纸米卷依然好湿润，而且入口依然好烟银，软壳蟹仲系热㗎，十分之脆身，里面嘅材料好丰富，蔬菜新鲜爽口，而且配上鱼露食，更觉风味。明炉乌头，好大条，而且好干净，鱼鳞起得好清，鱼肉扎实，最紧要系佢个汤底酸酸辣辣，渗入左去鱼肉里面，食落好开胃，而且配菜好多，里面仲会有一啲菌类，而且个底仲有一啲粉丝，粉丝索晒个汤，感觉滋味。甜品方面，我哋叫咗椰汁西米糕，呢个甜品真系唔系周围都可以食到，难得呢度可以俾我哋揾到，上面嘅椰汁好香好滑，下面嘅西米爽口弹牙，唔似整左好耐，总括嚟讲呢间餐厅充满泰国嘅风味，胜在食材好新鲜。