海鮮島海鮮酒家

营业中

休息中

细个就兴去三圣村，愈大愈贵又俾人抽水咁，就转番去食西贡小店。可惜食开嘅都执埋喇。幸好揾到海鲜岛，一条龙反而高透明度，系晒你面前拣又有晒价钱。真系介绍新鲜时令之选，套餐够选择又抵食，万一真系无货都绝对会换番相应价钱嘅美食。疫情间大减出街食好野机会，难得黎到，叫番个屈机象拔蚌先！超大条，刀工好好，分开三个唔同部位，我自己就钟意食爽身位，软身位就会滑身d。更惊喜系两味嘅另一款用咗嚟煲粥，非常足料又清甜，可能炉火够加，粥做到超绵身。下次可唔可以只叫粥食呀？哈哈！很想要呀！再黎大大只圣子，真系好新鲜所以真心唔需要太多调味，满满蒜蓉大量粉丝，圣子又白净又弹牙。豪开就叫埋龙趸两味，清浓两味。配西芹就大大啖无骨肉；芡汁白菜底，有骨位置劲入味，鱼云鱼旗一样有肉，绝对食得饱。招牌瑶柱帝皇鸡系海鲜以外我大推嘅，用药材、瑶柱同虾米等等材料猛火浸熟。平时唔食鸡皮嘅我都忍唔住，连鸡皮都浸到入晒味，软身又保留到应有口感。鸡肉就滑身，仲可以一丝丝撕出嚟食。选鸡都拣d做开运动嘅，系咪配合奥运？下次继续食…好彩海鲜系低脂高蛋白，唔怕食得多d！