兩姊妹涼皮有限公司 (柏樹街) (已搬遷) 新店位置

自从一次喺太子经过《两姊妹凉皮有限公司》，见到佢个白底红字旧式招牌几抢眼，上OpenRice 见到好多😋食评，一试之下爱上咗佢嘅招牌凉皮，之后一想食凉皮，就会专程过嚟～通常会喺app度叫定外卖先，唔使等咁耐嘛～同埋可以知道凉皮会唔会已经sold out，免得白行一趟～🤓照旧order 咗碗小辣 ”两姊妹招牌凉皮”加咗4款配料 爆脆豌豆 卤水猪脷 卤水肥肠 卤水猪肚丝 《两姊妹》嘅凉皮滑嘟嘟，烟韧度适中配埋个微微酸酸辣辣嘅汁好开胃（唔食辣嘅朋友可以拣走辣；食得辣嘅朋友可以挑战劲辣🔥）讲返4款配料 爆脆豌豆真系豆如其名～爆脆☄️～超级脆卜卜嘅呢～🤩 卤水猪脷嘅厚度适中 卤水肥肠处理得好好 卤水猪肚丝有咬口～卤水配料嘅卤水味唔会太浓，配埋凉皮嘅酱汁一齐唔会互相抢味👍🏻其实，即使唔另外加配料，”招牌凉皮”本身都配有芫荽、葱、青瓜丝、花生、同爆脆豌豆不过，啲”爆脆豌豆”真系好好食😋，建议可以再加配至于唔食肉肉嘅朋友，配料嘅选择有木耳、鸡蛋干、酸豆角、秋葵，或者再加配多多青瓜丝记得如果唔系即刻食，最好分汁，咁食嘅时候D配料就唔会浸得太耐影响质素喇～除