壹食就醉

营业中

休息中

尖沙咀系一个美食天堂 ，讲起金巴利街，大家都会谂起韩国菜，而喺韩国菜中间，就隐藏住一啲隐世食肆，就好似呢一间壹食就醉，佢系私房菜般嘅形式，除咗中菜，仲有火锅，唔系朋友介绍，都未必揾到呢一间餐厅。朋友介绍一定要食清酒卜卜蚬煲($188) ，话出边食唔到咁真材实料同埋咁回甘味道嘅质素。份量果然唔少，而我哋嘅只系小份量嘅价钱。 蚬煲上桌嘅时候已经用热清酒汤底浸住，再放上火锅炉，慢慢令佢水滚，当蚬全开，之后就加入少量清酒，就可以食。 蚬嘅size唔系好大，但系佢份量好多，所以都足够。清酒唔会话好浓烈，但系味道又能够感受到当中嘅酒香。蚬唔多沙系值得一赞🌟.啫啫滑鸡煲 $128讲起鸡煲会谂起出面好大煲嘅鸡煲，不过呢度嘅鸡煲其实系煲仔小菜嘅一种，唔会好大份，2人食食啱啱好。 鸡件肉质嫩滑，配上好多蔬菜，例如洋葱，甜椒等等，渗出蔬菜嘅鲜味。味道唔会好咸， 不过都系建议叫碗白饭配衬会比较好。