影片
更多
2017-06-06
489 浏览
记得第一次食既时候，我去到果阵系7:30….D包已经抢手到卖晒！我都系专登落去食，都几唔开心。下次去食之前我醒目呀，识得打电话去问问仲有无货先起行，而且唯有旱点放工旱点飞过去食。好彩，之后两次带朋友去都有得卖，无令佢地失望，不过我醒水早左好多~六点半之前就去霸定靓位啦。原来除左未来汉堡之外都仲有好多食物选择，例如鸡丝粉皮、海南鸡饭、台式卤肉饭同各款沙律饮品等等。不过除左汉堡包之外就唔系样样都日日有，要视乎个热柜当日仲有无存贷。睇arm食边样，食唔食到真系撞手神啦！先黎介一介绍个环境。本身查实系一间卖素食产品既铺头，有好多唔同地方入口既货物、不论食既用既一应俱全、十足一个迷你超市。另外灯火通明，用餐区枱椅设计令人好relax,最适合三五知己围埋食野倾计﹝都有少少似幼稚园d枱椅﹞。用餐区不远处就见到酷似小食counter 既厨房，开方式~几开扬。未来汉堡包主要有两款，一款叫classic、另一款叫Plus,分别在Plus系有牛油果同素芝士。Order 完之后差唔多要等5-10分钟，不过其实到食果阵都有些少唔够热。至于份量大呢点就不容置疑，一个口打开到最大都唔会一啖食晒所有料，相当满足呢&#
下次去食之前我醒目呀，识得打电话去问问仲有无货先起行，而且唯有旱点放工旱点飞过去食。好彩，之后两次带朋友去都有得卖，无令佢地失望，不过我醒水早左好多~六点半之前就去霸定靓位啦。
原来除左未来汉堡之外都仲有好多食物选择，例如鸡丝粉皮、海南鸡饭、台式卤肉饭同各款沙律饮品等等。不过除左汉堡包之外就唔系样样都日日有，要视乎个热柜当日仲有无存贷。睇arm食边样，食唔食到真系撞手神啦！
先黎介一介绍个环境。本身查实系一间卖素食产品既铺头，有好多唔同地方入口既货物、不论食既用既一应俱全、十足一个迷你超市。另外灯火通明，用餐区枱椅设计令人好relax,最适合三五知己围埋食野倾计﹝都有少少似幼稚园d枱椅﹞。用餐区不远处就见到酷似小食counter 既厨房，开方式~几开扬。
未来汉堡包主要有两款，一款叫classic、另一款叫Plus,分别在Plus系有牛油果同素芝士。Order 完之后差唔多要等5-10分钟，不过其实到食果阵都有些少唔够热。
至于份量大呢点就不容置疑，一个口打开到最大都唔会一啖食晒所有料，相当满足呢><。D肉汁系多到渗晒出黎！有人话呢块汉堡扒不论系外型同味道都同真肉无异，其实我查过主要成份系豌豆居多，我自己就认为不论个样、色水都系似真肉，但食落味道虽然唔系传统素肉味、但亦都唔似真肉。个肉质纤维比较粗同散，无真牛肉咁细密，咬真d会系一粒一粒既感觉。
另外我觉得牛油果同呢个未来汉饪其实唔多夹，虽然系牛油果爱好者，但我都系认为素牛肉配牛油果唔太恰当。原因系牛油果本身系属于比较清淡既生果，通常配一d无咁浓味既菜一齐食先可以突出到佢本身个果味。但牛肉汉堡本身就有味仲要另加酱汁，几乎完全盖过牛油果的鲜味。计我话汉堡都系配返爽口既蔬菜、例如青瓜等等最实际。
在我而言，108蛟一个汉堡包系非常之合理，如果Classic仲平、只系要78蚊咋。不过除左汉堡之外，其他食物就贵得有点离谱啦！好似个海南鸡饭咁，成盒得果3旧「鸡」、每旧只有约半只手指咁长…咁就卖90几蚊，可能未必够饱。
不过好多谢铺头送野俾我，当日每位顾客买超过某个金额就会送一份礼物、样样唔同架！当日我收到一包薯仔丝、有藜麦同菜。我用左黎炒素肉丸带饭返工加粟米汁，多谢晒。
Burger Plus
83 浏览
0 赞好
0 留言
张贴
