影片
更多
2007-07-15
4 浏览
今晚十点入坐, 因为夜所以唔使等好耐，而且呢个火锅字号都叫出名，谂住试下有几正，点知食到一肚气!等位时个reception 姐姐已经话十一点last order, 一入到去又有人提你十一点last order。咁所以一坐低未人齐已经叫野食啦。点知, 等成二十分钟个汤底都未黎... 到十点半再叫一轮野食。到呢个时候都仲好好地, 但之后就系恶梦啦...眼见就穿suit既侍应仲多过著啡色衫果d 传菜同执台。有时三个侍应点一个执台, 一个叫佢执野, 但转个头另一个又叫佢唔好执, 去加水... 最过份系有一个后生d 既侍应仲爆粗("唔好执野啦, d 客举x晒手喇!")!隔三张细台都听到!吓亲人...跟住又有一件火滚既事，就系个经理放底碟火锅料之后，竟然细声话“又系唔使钱既”，但系我都听到…我食既系每位70蚊任叫火锅料，但都要俾70蚊丫…你开得呢个餐，就预左人地任叫啦…况且我果台只系叫到够食就算，唔似有d 台叫好多但又食剩晒…最后，到十一点时，有个侍应想埋数，就走过黎问仲有冇野想叫，咁我地就话冇野想叫，但系有四样料叫左好耐都未黎。佢唔想理，净系拎d 单出黎想我地埋单，咁我地又讲多次“冇野想再叫，净
等位时个reception 姐姐已经话十一点last order, 一入到去又有人提你十一点last order。咁所以一坐低未人齐已经叫野食啦。点知, 等成二十分钟个汤底都未黎... 到十点半再叫一轮野食。到呢个时候都仲好好地, 但之后就系恶梦啦...
眼见就穿suit既侍应仲多过著啡色衫果d 传菜同执台。有时三个侍应点一个执台, 一个叫佢执野, 但转个头另一个又叫佢唔好执, 去加水... 最过份系有一个后生d 既侍应仲爆粗("唔好执野啦, d 客举x晒手喇!")!隔三张细台都听到!吓亲人...
跟住又有一件火滚既事，就系个经理放底碟火锅料之后，竟然细声话“又系唔使钱既”，但系我都听到…我食既系每位70蚊任叫火锅料，但都要俾70蚊丫…你开得呢个餐，就预左人地任叫啦…况且我果台只系叫到够食就算，唔似有d 台叫好多但又食剩晒…
最后，到十一点时，有个侍应想埋数，就走过黎问仲有冇野想叫，咁我地就话冇野想叫，但系有四样料叫左好耐都未黎。佢唔想理，净系拎d 单出黎想我地埋单，咁我地又讲多次“冇野想再叫，净系想跟之前叫左未黎既料”，但个侍应仲系话十一点last order，要叫就快d 叫，仲好晦气咁掉张火锅纸去我面前，话“漏左d 咩而家叫啦，我地十一点last order!”。咁我地咪同佢讲“唔系要last order 呀，我地d order十点叫到而家都未黎齐”，同时就画番未黎既料俾佢啦，佢就话“系咁多啦ma?!”拎左之后就走左去…
之系又系等好耐…点知佢走埋黎话有两样冇晒，有咩要而家叫，最多俾我地叫到十一点半。咁我地就话唔要啦，要另外果两碟算。而个时候佢已经黑晒口面…
食到十一点半过后，仲有十几台人食紧，但竟然开始熄灯! 好似要你快d食快d 走咁…
不过，有另外一个侍应就好d，佢点都系有礼貌咁问我地d料黎晒未(因为之前果个已经唔再serve我地喇)。又有一个好好既传菜既阿姐，佢放低左两碟劲迟黎既料，仲专登拎d 料黎问我地要唔要，但我地都差唔多够就冇要喇…
一路有问题既都系果d黑色suit既待应，完全冇沟通，有d唔做野系度讲笑，转个头又闹d传菜同执台，之后自己俾部长闹，又黑口黑面对住d 客。真系辛苦晒d 啡色衫既阿哥阿姐，佢地已经少人，仲要俾d 黑色suit待应喝来喝去…我地都忍唔住同个阿姐讲“辛苦晒”。
呢间野长期内应该唔会帮衬第二次!
张贴