NeNe Chicken (形點 I) (已結業)

NeNe Chicken之前系韩国食过几间炸鸡，都系Nene Chicken既印象比较深刻，咁今次经过形点见到呢到有分店，就去回味一下。落单冇耐，店员就拎咗啲前菜黎，有泡菜，腌青瓜同埋腌萝卜。泡菜辣味比较重，几醒胃，酚腌青瓜同萝卜味道偏淡，配味浓既韩国菜都好搭。我地叫咗蒜香酱油炸鸡 (无骨鸡件)同埋韩式手爪饭 (吞拿鱼)。蒜香酱油炸鸡炸鸡酱油味比蒜香味突出，酱油味偏向甜味，都好有韩国特色。炸鸡外皮裹住既粉比较厚，但好彩有酱油搭救。炸鸡唔会炸到干晒，食落依然好多肉汁，唔会好鞋口，几好食。韩式炸鸡通常会做得好浓味，但配埋腌萝卜，食到咁上下可以refresh下，爽！韩式手爪饭 呢样野之前未食过，上枱先发现呢个菜式有吞拿鱼，青瓜，紫菜，类似飞鱼子既食材，同埋麻油饭。店员会比手套我地，然后我地就用手将所有食材捞均就唔可以食。第一啖食，个麻油味好出，而由于其食材都有唔同口感，青瓜爽，鱼子脆，吞拿鱼既肉感等等，令口感好丰富，估唔到咁好食！推荐比大家！