漁牧 (已結業)

老婆唔钟意食鱼，但就好钟意食辣，为左要令她食下鱼，呢晚带左她去<渔牧>食烤鱼，餐厅周围都系鱼的布置，几有特色。先点2个冷盘开下胃，糖心的酱油皮蛋口感非常软滑，香甜爽口菜配芝麻酱清新爽口。主角当然系烤鱼啦，有好多不同口味、鱼的种类，我就唔太辣，所以点左微辣的回味酸辣味清江鱼，汤底酸酸辣辣味，好惹味，鱼份量十足，鱼皮煎金香，肉质幼嫩，难得老婆食左好多鱼肉，我地点左配料用个汤底做火锅，老豆腐、原只鲜鱿筒、蟹柳，吸引汤的精华，非常鲜味。甜品老婆钟意食紫薯驴打滚，它的甜味淡淡的，糯米皮柔软，我都觉得唔错。