港澳義順牛奶公司

营业中

休息中

講到食燉奶點可以唔去義順，今日心血來潮想食燉奶，當然即去最近既義順啦。環境就十年如一日，都係有義順既感覺。我係食左飯先黎，間舖都唔係爆哂既，所以坐得都舒服。咁兩個人就叫左兩個雙皮燉奶。記得細個個陣食好似＄２０都唔洗，依家已經去到＄３６，但佢咁好食收依個價我都係會照食。咁我地兩個人就一個凍一個熱，兩個個味道差唔多，但係熱既奶味係再香Ｄ，但因為個人實在太熱，所以食凍係可以有透心涼既感覺。義順既燉奶真係幾時都咁好食！奶咪好重，塊雙皮又夠好味。如果平少少我應該會多Ｄ幫襯。