串爸爸

营业中

休息中

楼下开咗间串烧店，都几多选择，价钱唔算好贵。呢间小店嘅外卖袋系保温袋，好揼本！拎到返屋企食物都仲热辣辣。生炸大大只鸡脾 - size仲大过手掌，即叫即炸。外层好松脆，啖啖肉好香口。香烧手切羊架 - 膻味唔算太浓，咬落都几juicy。极上一口牛 - 每串有四粒，食落唔会太韧，有口感同牛味浓。香烧黑豚肉 - 烟韧有嚼口。烧花枝丸 - 洒咗七味粉，辣辣地更几香口。招牌茄子 - 大概有半只手咁长，茄子上有大量蒜粒同香葱，好足料！捞埋茄子肉一齐食好香口，味道好有层次。烧秋葵 - 一串有四条，咬落好爽口又清新。