Happy Valley Bar & Grill

营业中

休息中

环境2分：好有外国酒吧feel，同埋侧边大部分都系外国人，墙上挂住部电视一直都系播紧运动节目，从未停过。可能外国人比较大只，而枱与枱之间都比较迫，所以真系好迫好迫，得两分。 卫生3分：酒吧嚟讲都算系咁，唔算太污糟，可以有三分。 服务4分：侍应生大部分都要讲英文，但简单食物同啤酒都唔系太困难。佢地会主动问你要唔要嘢饮同要嘢食，其实都算非常之主动，可以有四分。 味道3分： 1)      因为见到有隔离餐厅个menu，所以就叫左隔离餐厅啲啤酒试下，三个女仔试咗三款啤酒，全部都非常之够冻，系解热之选。       2)      块牛扒叫左medium，我嫌过熟，但系牛扒冇被梳打粉腌到无味，都算有牛味，但有少少硬。 3)       伴碟啲薯条，番茄同粟米就不过不失，有三分。 抵食4分：三个女仔食两个牛扒餐，份量就啱啱好，唔使150蚊就有份牛扒餐，酒吧嚟讲都算抵食，所以有四分。