影片
更多
2017-05-30
321 浏览
身为牛魔王嘅我，第一次食牛食到咁PRO。呢度有好多刁钻嘅部位，莫讲话食，听都系第一次听，今次真系「学到好多野」!!。呢个火锅专门店有四间分店 - 今晚喺位于翠怡花园大埔嘅总店食。虽然位置比较僻(唔系对住大马路)，喺横巷入面，但夜晚依然坐无虚席。点菜系用平板电脑，方便快捷。呢一页系"616限点限量"，系牛只食材中比较珍贵嘅部位，唔系日日有，而且每两人只限点一碟。恕我孤陋寡闻，呢啲位真系第一次听，或者对食潮汕牛肉有少少研究嘅就应该会识，不过唔驶担心，click入去就会有简介讲返系属于边个部位，同埋口感味道如何。当日就叫左一碟"吊龙伴"，店员话一个月得一两日有，梗系要try try。店员推介我地食呢个全牛拼盘套餐，套餐包括酱料、牛板拼盘、汤底、稻庭乌冬、蔬菜篮、汽水两罐(可以加$3换支装竹蔗茅根海底椰，更健康)。攞酱料先~酱料吧干净整洁。有多款酱料选择。仲有比较少餐厅会提供嘅青柠。牛骨清汤 - 套餐个汤底系牛骨清汤，因为清汤唔怕会遮盖咗牛肉鲜味。大大旧牛骨淆制而成，有香淡牛骨味。蔬菜篮 - 当日有油麦菜、娃娃菜、菜心、豆卜。啲蔬菜食得出新鲜，份量嚟讲两个人食刚刚好。牛牛驾到，不同部位放返喺牛
呢个火锅专门店有四间分店 - 今晚喺位于翠怡花园大埔嘅总店食。虽然位置比较僻(唔系对住大马路)，喺横巷入面，但夜晚依然坐无虚席。
点菜系用平板电脑，方便快捷。呢一页系"616限点限量"，系牛只食材中比较珍贵嘅部位，唔系日日有，而且每两人只限点一碟。恕我孤陋寡闻，呢啲位真系第一次听，或者对食潮汕牛肉有少少研究嘅就应该会识，不过唔驶担心，click入去就会有简介讲返系属于边个部位，同埋口感味道如何。
当日就叫左一碟"吊龙伴"，店员话一个月得一两日有，梗系要try try。
店员推介我地食呢个全牛拼盘套餐，套餐包括酱料、牛板拼盘、汤底、稻庭乌冬、蔬菜篮、汽水两罐(可以加$3换支装竹蔗茅根海底椰，更健康)。
攞酱料先~酱料吧干净整洁。
有多款酱料选择。
仲有比较少餐厅会提供嘅青柠。
牛骨清汤 - 套餐个汤底系牛骨清汤，因为清汤唔怕会遮盖咗牛肉鲜味。大大旧牛骨淆制而成，有香淡牛骨味。
蔬菜篮 - 当日有油麦菜、娃娃菜、菜心、豆卜。啲蔬菜食得出新鲜，份量嚟讲两个人食刚刚好。
牛牛驾到，不同部位放返喺牛板相应位置上，好专业，咁就知食紧边个部位。下次食就可以扮下食家。
牛总图解 - 单张仲有渌牛肉SOP，教你每个部位要渌几多秒，咁就唔驶惊渌太耐冇晒味，渌太快又唔熟。
餐厅仲提供个大捞篱，摊好后可以一次过渌几片，容易控制时间。
垫枱纸亦有「牛总推介」，话埋俾你听点食最正~
咁样食牛法真系第一次，每个部位都各有特色 - 烟靭爽弹嫰滑软腍、有肥有瘦、胶质肉质，食只牛由个头到PATPAT，由背脊到脚，都一次过食晒。特别推介以下部位：
牛朴肉(最顶) - 纹理分明，有少少根，食落烟靭。
牛扑肉
31 浏览
0 赞好
0 留言
牛驼峰
20 浏览
0 赞好
0 留言
腿肉
10 浏览
0 赞好
0 留言
熟板根
19 浏览
1 赞好
0 留言
黑百叶
20 浏览
0 赞好
0 留言
吊龙伴
20 浏览
0 赞好
0 留言
全单免加一，埋单都唔驶四百，已经食到一只牛……不同部位嘅肉，认真抵食又长知识。
张贴
