影片
更多
2018-04-19
106 浏览
打边炉我一向都系主打牛，今次朋友带我嚟呢间火锅店，就系牛肉火锅专门店。大陆出差返嚟，太和港铁站落车，有地胆带路，行大约三、五分钟就到。门面都算大，自己嚟都唔算太难揾。内部装修简洁，时间尚早，可以拣个靓位坐。平板落单，有图有简介，good~酸菜汤底做紧优惠，$1一大锅，不过我哋两个都系钟情「牛杂汤底$68」，实行「牛到底」。个汤系用慢火炖煮，牛杂好腍，味道都几浓。酱料位位十蚊，自己出去「混酱」。我就好专一，又系「牛到底」，只拣左秘制牛肉汁。呢个汁超正，少少甜，可以令牛肉鲜味甜味更突出，每件牛蘸一蘸呢个汁，味道真系加倍提升。羽衣甘蓝$28一向被吹捧成「超级食物」，无数益处云云。我就冇理佢有咩益处，反正就系觉得好食，$28一大篮，比我自己去啲有机蔬果店买平好多，抵食。主角当然系牛，食左几款刁钻部位，其实除左封门柳，其他我都未听过，今日要见识吓。罕有系列每款$68 – 封门柳，颜色最深，横隔膜下面一条柳，无乜脂肪，牛肉味最浓。特色系列每款$48，份量唔少。匙柄 – 比较软滑。 牛朴肉 – 油花分布较为平均。牛驼峰– 我最钟意食呢碟，无根，牛味香浓，油脂亦丰富。滑尾龙–一pan咁上枱，上面加左鸡
内部装修简洁，时间尚早，可以拣个靓位坐。
平板落单，有图有简介，good~
酸菜汤底做紧优惠，$1一大锅，不过我哋两个都系钟情「牛杂汤底$68」，实行「牛到底」。个汤系用慢火炖煮，牛杂好腍，味道都几浓。
酱料位位十蚊，自己出去「混酱」。我就好专一，又系「牛到底」，只拣左秘制牛肉汁。呢个汁超正，少少甜，可以令牛肉鲜味甜味更突出，每件牛蘸一蘸呢个汁，味道真系加倍提升。
羽衣甘蓝$28
一向被吹捧成「超级食物」，无数益处云云。我就冇理佢有咩益处，反正就系觉得好食，$28一大篮，比我自己去啲有机蔬果店买平好多，抵食。
主角当然系牛，食左几款刁钻部位，其实除左封门柳，其他我都未听过，今日要见识吓。
罕有系列每款$68 – 封门柳，颜色最深，横隔膜下面一条柳，无乜脂肪，牛肉味最浓。
特色系列每款$48，份量唔少。
匙柄 – 比较软滑。
牛朴肉 – 油花分布较为平均。
牛驼峰– 我最钟意食呢碟，无根，牛味香浓，油脂亦丰富。
滑尾龙–一pan咁上枱，上面加左鸡蛋。食法比较特别，牛肉系预先腌左，比较入味。捞习先渌，牛肉就会每片都被鸡蛋包住
埋单免加一，价钱算系好合理。
张贴
