616牛肉火鍋專門店

营业中

休息中

平時最鍾意打邊爐，打邊爐就一定要有牛，由於之前嘗試過在大陸吃過潮汕牛肉火鍋，有食過都知道潮汕牛肉火鍋重點就是有很多不同部位可以選擇，當我知道^^616米子^^也有很多不同部位選擇，所以即刻去嘗試一下個究竟。入去第一眼已招牌吸引，^醉生夢醒完全符合這裏的主題，再見到幾個手工啤酒釀製筒就知這餐一定醉生夢醒。我們一行4人，鍋底點了熔岩沙嗲併牛骨湯底。牛骨湯底濃郁美味，我最喜歡這個熔岩沙嗲真係好熔岩。心得係煮牛丸、蔬菜同稻庭烏冬的話，最適合放落去沙嗲湯底，好入味！正！牛肉方面點了匙柄，牛駝峰，雙層肉，牛舌，黃喉，滑尾龍，手打牛丸。匙柄$48肉味夠少肥，啱晒做gym人仕。牛舌$58嫩滑不可不試。牛駝峰$48脂肪豐富，更顯牛味濃郁。麥子既手工啤酒🍻，有飲開手工啤都知係好野，我點了琥珀真情，啤酒味更濃，帶一點回甘。