影片
更多
2023-05-03
31 浏览
难得同老公一齐放假，老公成日带我食好嘢，今次就轮到我带佢食返餐好嘢啦！🥰🥰🥰今次带老公食特选鹿儿岛县产A5黑毛和牛套餐，佢系牛阵姊妹品牌，但完全系走高上嘅格调，专门提供优质日本产黑毛和牛主题 Shabu Shabu 涮涮锅，仲要食到多款黑毛和牛嘅唔同部位，按照季节挑选嘅蔬菜同有机菇菌，精心安排嘅前菜同甜品，价钱虽然系贵少少，但食优质美味食物，仲有超好嘅服务，真系值得。👍👍👍牛阵HANARE Platinum Label地址：铜锣湾告士打道280号世贸中心11楼1102号舖特选鹿儿岛县产A5黑毛和牛套餐 $698前菜四小碟 （建议顺序，由右至左，由鲜味食到清新）矶煮原只鲍鱼 - 用特制昆布汁煮成的，鲍鱼非常鲜味弹牙。😃海胆带子刺身 - 海胆同带子非常新鲜，又够清甜，师父已调制咗特制酱汁，完全唔需要落其他东西，就已经非常美味。😀日本产黑毛和牛他他 - 系和牛切粒嘅和牛刺身，已配上少少京葱粒同日本无菌鸡蛋黄，只需要搅一搅就食得，讲真我系一个接受不到食生牛肉嘅人，见到咁靓嘅黑毛和牛，我当然要试吓啦，食完之前，我真系对牛牛肉改观，入口即溶，真系超正。😄柠檬海蜇头 - 海蜇头非常Q弹，配上柠檬汁，
今次带老公食特选鹿儿岛县产A5黑毛和牛套餐，佢系牛阵姊妹品牌，但完全系走高上嘅格调，专门提供优质日本产黑毛和牛主题 Shabu Shabu 涮涮锅，仲要食到多款黑毛和牛嘅唔同部位，按照季节挑选嘅蔬菜同有机菇菌，精心安排嘅前菜同甜品，价钱虽然系贵少少，但食优质美味食物，仲有超好嘅服务，真系值得。👍👍👍
牛阵HANARE Platinum Label
地址：铜锣湾告士打道280号世贸中心11楼1102号舖
特选鹿儿岛县产A5黑毛和牛套餐 $698
前菜四小碟 （建议顺序，由右至左，由鲜味食到清新）
矶煮原只鲍鱼 - 用特制昆布汁煮成的，鲍鱼非常鲜味弹牙。😃
海胆带子刺身 - 海胆同带子非常新鲜，又够清甜，师父已调制咗特制酱汁，完全唔需要落其他东西，就已经非常美味。😀
日本产黑毛和牛他他 - 系和牛切粒嘅和牛刺身，已配上少少京葱粒同日本无菌鸡蛋黄，只需要搅一搅就食得，讲真我系一个接受不到食生牛肉嘅人，见到咁靓嘅黑毛和牛，我当然要试吓啦，食完之前，我真系对牛牛肉改观，入口即溶，真系超正。😄
柠檬海蜇头 - 海蜇头非常Q弹，配上柠檬汁，真系超清新。😁
澳洲产特级安格斯牛 白金牛舌 配柚子醋及九条葱
牛舌有口感，又唔韧，配埋九条葱，真系超夹。🤤
鹿儿岛县产黑毛和牛牛肩胛及牛赤身肉 配红叶泥柚子醋及自家制麻酱
牛肩胛肉紧结实，肉嫩，油脂分布平均，牛赤身肉会比较瘦，但又唔会鞋口，两个部位都好有牛味，配埋麻酱一齐食，真系一流。😊
鹿儿岛县产黑毛和牛板腱肉及A4西冷 配wasabi及炸蒜片
牛板腱油花分布比较均匀，肉质柔软，西冷肉质有弹性，肉质细嫩，呢两款牛嘅肉味相对比较浓，原来靓嘅牛配上少少wasabi系咁正。😋
鹿儿岛县产黑毛和牛A5西冷配山椒及青柠
A5西冷系最肥美嘅，油脂超多，入口即溶，就正因油脂多，所以配上青柠，可以有中和嘅作用。☺️
旬之野菜盛合
系按照季节挑选有机菇菌及水耕菜，上枱嘅时间，简直好似盆栽咁放系眼前，要特别一提系有一种菇菌叫黑皮鸡枞，呢种有机菇菌唔系常见，含有高蛋白质，味道又香又有咬口，大家见到一定要试。🤗
汤底：cappuccino豆乳番茄汤底，旧鱼打到好似cappuccino咁绵密，好似旧旧云咁，配上酸甜嘅蕃茄汤底，一个字正呀。喜烧汤底唔会死甜，配上靓牛一齐食，简直夹
到晕呀。👍👍👍
主食：乌冬、荞麦面
甜品：抹茶蕨饼及红豆丸子，另外仲有一本巨峰提子乳酸刨冰刨冰，系比大家用餐途中用嚟作休息之用，可以清新味蕾，解腻之用，真系好贴心嘅服务👍👍👍
另外我哋还点咗两杯饮品，蜂蜜柚子汽酒同青柠梳打。
虽然呢餐饭系贵咗少少，用我新工揾返嚟嘅私己钱同我老公食，但食物有呢种质数、同服务，真系值得嘅。🤗
整体评分：最高为🌕🌕🌕🌕🌕
味道：🌕🌕🌕🌕🌕
服务：🌕🌕🌕🌕🌕
环境：🌕🌕🌕🌕🌕
地点：🌕🌕🌕🌕🌕
回头率：🌕🌕🌕🌕🌕
🌟🌟🌟必食推介：特选鹿儿岛县产A5黑毛和牛套餐🌟🌟🌟
张贴
