影片
更多
2019-04-04
2757 浏览
又发掘到一间旺角高质西餐！呢座大厦黎过几次食饭，但都冇留意呢间DOUX，今次想揾一间有情调又好味嘅西餐就俾我见到佢，加上有同事食过都大赞，更加有信心唔会中伏。餐厅系18楼，入去第一眼就留意到落地大玻璃，夜幕低垂望唔清窗外景色，但依然见到璀灿灯光，高楼底加上落地玻璃令空间感觉更开扬。装修摆设以简洁的深色调为主，有情调但唔会过于昏暗。餐牌选择未算好多，不过颇精致，一早睇定食评，冇咩考虑就点好。沙津份量几大，够两个人Share。北海道带子好厚肉，鲜甜软滑。黑醋系成个沙津点精之处，减轻羽衣甘蓝自带的微微苦涩味同时令沙律味道更丰富，好开胃。贝壳粉 一入口已经觉得有惊喜！酱汁Creamy但唔油腻，贝壳粉弹牙，加上黑松露提香同杂菌增加口感，好味！今次又同「牛魔王」食饭所以点左纽西兰鲜肉眼，5成熟的肉眼带淡淡嘅粉红，中间部位稍为过生但可以接受。牛扒肉汁丰盈，冇过多调味所以突显到牛肉本身嘅香。牛肉汁味道带甜，同牛肉味道几夹。真心要赞一赞配菜，大家都将Focus放系牛扒嘅时候餐厅完全冇忽略配菜，蕃茄仔烤完后唔只好甜仲爆汁；栗米仔都细心烹调过，带蒜香；红薯同蕃薯一入口竟然带微微姜汁味，好惊喜！呢度其中一样主
餐厅系18楼，入去第一眼就留意到落地大玻璃，夜幕低垂望唔清窗外景色，但依然见到璀灿灯光，高楼底加上落地玻璃令空间感觉更开扬。
装修摆设以简洁的深色调为主，有情调但唔会过于昏暗。
餐牌选择未算好多，不过颇精致，一早睇定食评，冇咩考虑就点好。
沙津份量几大，够两个人Share。
北海道带子好厚肉，鲜甜软滑。黑醋系成个沙津点精之处，减轻羽衣甘蓝自带的微微苦涩味同时令沙律味道更丰富，好开胃。
贝壳粉 一入口已经觉得有惊喜！酱汁Creamy但唔油腻，贝壳粉弹牙，加上黑松露提香同杂菌增加口感，好味！
今次又同「牛魔王」食饭所以点左纽西兰鲜肉眼，5成熟的肉眼带淡淡嘅粉红，中间部位稍为过生但可以接受。
牛扒肉汁丰盈，冇过多调味所以突显到牛肉本身嘅香。牛肉汁味道带甜，同牛肉味道几夹。
真心要赞一赞配菜，大家都将Focus放系牛扒嘅时候餐厅完全冇忽略配菜，蕃茄仔烤完后唔只好甜仲爆汁；栗米仔都细心烹调过，带蒜香；红薯同蕃薯一入口竟然带微微姜汁味，好惊喜！
呢度其中一样主打甜品，几乎每台都会点，望Menu每款都好靓，实物亦唔逊色。Ruby Peach外形似个桃，食落都充满清新嘅桃香，中间嘅流心效果好靓，亦唔会过甜。用作装饰嘅花同「泥」一样食得，但就唔太岩我口味啦！总体黎讲系一个睇得又食得嘅甜品！ 我同朋友都唔太饮得酒，所以点左水果茶同梳打，味道唔算突出，好在水果系新鲜亦冇香精味。 今晚倾得尽情，亦食得满足，由环境到食物质素都好满意。开头上菜较慢，但难得有舒服嘅环境又有时间倾下计，放低电话同工作好好放松下啦！
张贴
