漁釧 (將軍澳中心) (已結業)

Happy Friday 拣咗呢间装修几有日本风味既舖头食晚饭，整体质素都唔错!日式麻婆豆腐呢个好有惊喜，日式既麻婆豆腐有少少甜辣既调味再加上脆饼，夹埋一齐食呢种口感好爽脆又唔会太咸，豆腐本身都入哂味，好值得试!海虾杂锦天妇罗新鲜即炸既天妇罗本身都已经好惹味，佢既炸浆唔会厚而且虾肉系新鲜弹牙，食落更加吸引。加上仲有番薯、茄子等等配菜，又系必嗌既食物!网烧牛肉野菜沙律呢个比起一般泰式餐厅既烧牛肉沙律冇咁浓味，佢用既牛都系高级货，食到牛肉本身既味道又唔会膻，好易咬得到唔韧，加埋沙律菜一齐食可以清一清油腻感添。炭火烧鸡烧鸡整得好嫩滑而且入哂味，佢亦都切到一口size咁样好易入口，炭烧味道唔入算浓但整体都好食既!四色刺身丼呢个真系睇得出师傅既功架，刺身好新鲜而且鱼油十足又有鲜味，唔需要好多豉油都够哂味，wasab相对比较辣而且好香，几有惊喜!和牛粒炒饭饭身炒得干身唔老加上和牛粒本身既油香令成个饭都好惹味，和牛粒本身都好嫩滑食落口感一流!