十二味 (山市樓) (已結業)

大少同我继续食在坚尼地城，但唔再系厚和街lu. 坚尼地城其实冇乜边间食店要等位。估唔到呢间食店咁多人，我哋12:45去到竟然要等位。等左大约5分钟，终于有位座。大少叫咗口水鸡，我就叫咗鱼汤泡饭。大少个餐好快就到，口水鸡份量都唔少，配一碗白饭仲有蒜头云耳做前菜，而餐饮就改咗做哈密瓜鲜奶。虽然叫做川式口水鸡，碟鸡上面亦都有好多辣椒油，但系食落去一啲都唔辣。就算唔食辣嘅人都可以一试。再试埋大少个哈密瓜鲜奶，个奶味好重，唔系奶水但系应该加咗糖浆，因为个甜度比正常哈蜜瓜甜。但系我个鱼汤泡饭就等得耐啦、我估10至15分钟，每次问服务姐姐有冇落漏单，佢哋 check 都唔 check,只系讲整紧啦。三催四请之下我个鱼汤泡饭终于到啦。泡饭里面除咗有碎鱼粒，仲有青瓜粒，莲藕粒同埋海带粒。个鱼汤都好白，亦都唔腥。个泡饭冇乜特别，同平时啲鱼汤泡饭差唔多，比起大少嘅口水鸡，我觉得佢𠮶个吸引啲。我个餐饮就要咗桂花冰酿，味道同食桂花丸子一样，只不过呢杯嘢饮将甜品变成餐饮。哩间店舖食物一流但系服务真系九流，食物真系唔差，所以大少已经讲应该有翻兜机会。