Food Lab (已結業)

Food Lab特登去科学园就系想试下呢间餐厅，有book位所以唔洗等，冇book位就可能冇位坐，间餐厅都几Full架。坐底叫左个set dinner, 个main拣左一个鱼同一个牛扒。先上左头盘既蜜瓜ham沙律，蜜瓜够甜，ham油份充足，沙律菜新鲜冇苦味，好好味。然后因为服务员搞错晒上错左主菜又未上汤，搞左一轮终于到喇。个蘑菇汤好香好好味，蘑菇香味好重，个汤口感好滑，唔会太杰同太稀，水准好高。然后先上左主菜牛扒先牛扒味道好好，卖相好靓，牛扒肉好淋好多肉汁，加上佢调配既芥末汁，非常出色。但因为服务员又搞错晒又漏单所以食完个牛扒再等多半个钟先到个鱼。个鱼扒系非常之靓，份量好多，鱼皮煎到金黄色，好脆好好味，加上鱼肉冇散开，食落好有鱼味同有水份，呢一样十分之赞，等都值得。最后上甜品，一个系炖蛋同一个系苹果个苹果卖相好得意，味道酸酸咁，有水果味，好帮助消化，作为饭后甜品非常唔错。而个炖蛋我个唔识欣赏喇，因为个面个D唔系焦糖，而似系一D糖水咁既野，个炖蛋口感就唔滑既，成个甜品好似半制成品咁，唯一败笔。总括而言，食物水准好高，但服务仍需要好大改善。