牛皇星 (已搬遷) 新店位置

见食评同饮食杂志都大力推介，钟意打边炉同食牛嘅我，点可以唔试！早一晚订定枱，昨晚准七时到达，被安排上一楼坐，地方唔大不过都OK。跟著一位满脸笑容的男侍应前来落单，第一句「写只龙虾刺身喇」，见我哋无反应，第二句「写条鱼做刺身喇」，我哋都无order到鱼刺身，个位侍应即时收回D笑容，好冷淡帮我哋order咗大碟牛脊、四宝丸、鹅肠、黑柏叶、牛肉粒、北寄贝刺身。及后再加大碟牛边、金钱展、细碟牛颈、西洋菜、花甲、虾同墨鱼滑。七点几开始食，八点半这位侍应递张单俾我，话八点半要交返张枱俾佢！我即时问佢，你哋几时同我讲过有咁嘅规定，这位侍应答都唔答我，面黑黑行开。到九点，当大家放下筷子之际，传来一把声音「D嘢唔要嗱」，电光火石间，个㶽已被收走，不用三十秒已将枱面所有嘢收走兼上埋菓碟，一颗无奈的心想食片西瓜之际，张单已「队」在我面前，那位侍应大佬好cool咁话「埋咗张单先慢慢食」！签好哂单，想饮埋杯啤酒，呢位侍应大佬就话「埋咗单就好走，俾返张枱我！」。连啤酒共1240大元，五个人被安排坐一张四人长方枱，坐系枱头的人必须手长过人才可到个火㶽，坐在后面的一枱四人比我们早到，到我们被勒令离开仍可在把酒谈欢，就