意情濃

营业中

休息中

一行六人入元朗去呢间网上有介绍嘅隐世小店，顺便元朗一日游。通常呢啲小舖人情味浓，所以星期六中午时段要等位耐少少都预咗。去到门口已经好多人，同入面个疑似老板讲六个位，木口木面话无位，问佢等几耐，话你自己睇，仲同我讲你自己睇吓等唔等。第一次嚟，我唔知你上菜快定慢，比个大概时间都唔系咁难啩，生意都唔想做咁！算！附近又好似无咩好食，我哋继续等。等咗半个钟终于有位，叫晒炒意粉同焗饭，个汤几浓几好味。意粉同饭唔使等好耐就嚟齐，汁多𩠌多，都几大碟，女仔一个人食唔晒。埋单时个老板见我食净1/3，黑晒面话食唔晒下次叫少饭吖嘛。态度恶劣到爆，未嚟过点知你啲份量，要食客食晒先得嘅，你喺门口贴张纸啦，食到一肚气！极度怀疑点解会有网上介绍，中晒伏！