坐忘

营业中

休息中

呢度嘅野菜咖喱饭真系好好味，因为食素关系，如果咁啱响附近都会过嚟食。餐厅无加一，明嘅，唔应该有咩要求，但系最近几次嚟，次次个女侍应都系黑口黑面，真系唔知佢系老板定系好唔想做。今日闲日大概2:15到舖，我比朋友先到几分钟，系，门口写明「繁忙时间」要齐人先入得，但明明过咗食饭时间，店内起码一半吉位，个女侍应一见未齐人即刻嘢都唔讲闩返度门净啲夹到我。我开返门入去，我话咁我一个，佢好大声同佢另一个同事讲「佢话佢一个㖞」店家3点落场费时阻人收工，我未坐定都嗱嗱声帮朋友叫埋，到啲饭嚟，几乎系成个碟掟落枱「啪啪」两声（？）朋友都问我发生咩事。之后仲桥埋手企一边，成个杀手咁嘅样到2:30pm左右有一家5人想入坐，人哋已经到咗4个讲明有1个泊紧车，又系一见未齐人就喝𠮶家人出去等（？）唔系第一次嚟食，但可能系最后一次，呢位侍应嘅态度真系令人叹为观止