泰金國 (已搬遷) 新店位置

之前有个好朋友带我嚟呢间食泰国嘢,价钱好抵食物好好味,特别系佢嘅沙冰真系好好饮不过要食环境,食服务嘅话就唔好拣呢度啦今次拣几款嘢食全部都好食,包括有生菜包,烧鸡全翼,椰子鸡汤,炸虾饼,提子沙冰。生菜包份量多,肉碎辣辣地好惹味椰子鸡汤酸酸地好足料,两个人饮,每人都饮到两碗半炸虾饼,虾肉好弹牙我见到呢度每一台都有叫沙冰,烧鸡全翼,同埋烧牛肉, 下次一定要试个牛肉先得。讲番返环境同服务,呢度嘅环境系十分简陋,坐嘅都系折凳, 我哋坐嘅枱根本放唔到所叫嘅食物,所以有张四人枱埋单,我哋就问店员可唔可以调去大啲嘅台,店员A话可以,当我哋准备动身嘅时候店员B就话唔得,佢话我哋要咁大张枱做乜,𠮶啲台系畀四个人,而事实上啱啱个张台埋单走嘅都系两个人嘅食客。我哋隔离𠮶张四人枱同样系两个人坐,佢走咗之后亦都系安排畀两个人入去,呢度食物一流,服务就食到咁上下我哋叫咗嘅马拉盏通菜仲未嚟,见到隔离枱迟过我哋叫既都嚟咗, 不过我哋冇催佢谂住唔紧要等多阵,点知店员走埋嚟叫我哋埋单问我哋食完未,我哋话佢知仲等紧碟通菜,佢就问我哋唔系食咗喇咩最后佢check到系自己漏咗单,不过我哋都算啦,走人。